Լիտվայի արդարադատության նախարար Յուոզաս Բեռնատոնիսն նոյեմբերի 13-ին ընդունել է Լիտվայում ՀՀ դեսպան Արա Այվազյանին:

 

Ինչպես «Արմենպրես»-ին տեղեկացին ՀՀ ԱԳՆ հասարակայնության հետ կապերի ծառայությունից, կողմերը գոհունակություն են հայտնել Հայաստանի և Լիտվայի միջև միջպետական հարաբերությունների ակտիվ զարգացման կապակցությամբ և կարևորել են արդարադատության ոլորտում համագործակցության հաստատման անհրաժեշտությունը:

 

Պայմանավորվածություն է ձեռք բերվել առաջիկայում հաստատել փոխգործակցության օրակարգն ու հաճախակիացնել փոխայցելությունները:

 

Անդրադառնալով Հայաստան-ԵՄ հարաբերություններին՝ նախարար Բեռնատոնիսը հաստատել է փոխշահավետ համագործակցության կարևորությունը և բարձր գնահատել բարեփոխումների շարունակական իրականացման Հայաստանի հանձնառությունը:

 

Քննարկել են երկուստեք հետաքրքրություն ներկայացնող մի շարք հարցեր: