Պակիստանի հարավարեւմտյան շրջանում սպանվել են պոլիոմելիտի դեմ պատվաստումներ կատարող երեք բուժաշխատողներ ու նրանց վարորդը: Եվս երեք բուժաշխատողներ տուժել են, տեղեկացնում Է «Արմենպրես»-ը՝ հղում անելով BBC-ին:
Անհայտ անձինք մոտոցիկլետներով նրանց վրա հարձակվել են Կվետա քաղաքում՝ Բելուջստանի նահանգի մայրաքաղաքում:
Այս միջադեպի հետեւանքով զոհված եւ տուժած բոլոր բուժաշխատողները կանայք են:
Պոլիոմելիտաի դեմ պատվաստումների այս արշավը նոյեմբերին ավելի վաղ սկսվել Է Պակիստանի ամենավտանգավոր տարածաշրջաններից մեկում: Ընդամենը Պակիստանում պատվաստումների երկու տարվա ընթացքում զոհվել Է ավելի քան 60 բուժաշխատող եւ նրանց պահպանությամբ զբաղվող ոստիկան:
Համարվում Է, որ այդ հարձակումների մեծ մասը կատարում են իսլամիստները՝ հայտարարելով, թե բուժաշխատողները լրտեսներ են, իսկ պատվաստանյութերն անպտուղ են դարձնում մարդկանց:
Պակիստանը, Աֆղանստանը եւ Նիգերիան աշխարհի միակ երկրներն են, որտեղ պոլիոմելիտը տարածված հիվանդություն Է մնում:
