Ոստիկանության Մեծամորի բաժնում «Հարավ-Կովկասյան երկաթուղիներ» ՓԲԸ Երևանի գծի ուղեմասի աշխատակցից նոյեմբերի 25-ին' ժամը 16.20-ին, հաղորդում է ստացվել, որ նոյեմբերի 24-ի լույս 25-ի գիշերը նշված ՓԲԸ պատկանող, Զարթոնք գյուղի տարածքում գտնվող Երևան գծի ուղեմասի «Սովետական» կայարանից գողացել են 8 ռելս' յուրաքանչյուրը 12 մ երկարությամբ:
Ինչպես «Արմենպրես»-ին տեղեկացրին ՀՀ ոստիկանության հասարակայնությ ան հետ կապերի եւ լրատվության վարչությունից, մեկնած օպերատիվ խումբը կայարանից մոտ 350 մ հեռավորության վրա հայտնաբերել է գողոնի մի մասը' զոդված վիճակում:
Ձեռնարկված օպերատիվ-հետախուզական միջոցառումների շնորհիվ պարզվել է, որ նշված գողությունը կատարել է 1985թ. ծնված Արթուր Ս.-ն, որը նոյեմբերի 26-ին' ժամը 15.25-ին, բերման է ենթարկվել և տվել խոստովանական բացատրություն: Կատարվում է քննություն:
