Անցնող օրվա առավել ուշագրավ տեղեկատվությունն ըստ՝ «Mediamall.am» լրատվականի.
Ռուբեն Հայրապետյանը բացահայտեց Ծառուկյանի «քաղաքական ֆենոմենը»
Երկար ժամանակ չէի տեսել նման անկեղծ ու շիտակ հարցազրույց:
Երեկ Սաթիկ Սեյրանյանի «Ռէվոլուցիա» ծրագրի հյուրը ՀՖՖ նախագահ, ԱԺ նախկին պատգամավոր Ռուբեն Հայրապետյանն էր, ով իրեն բնորոշ անմիջականությամբ՝ գնահատականներ տվեց նաև ներքաղաքական զարգացումներին:
ԲՀԿ նախագահ Գագիկ Ծառուկյանի նախագահական հավակնությունների մասին երկու հակադիր մոտեցումներ եմ լսել: Նրա կողմնակիցները ոգևորված են վրաց միլիարդատեր Բիձինա Իվանիշվիլիի ֆենոմենով, ով, ըստ էության, բացառապես փողի ու պոպուլիզմի շնորհիվ կարողացավ ազդել Վրաստանի ընտրողների քաղաքական կողմնորոշումների ու տրամադրությունների վրա:
Հիմա ես չեմ խոսում պարոնայք Ծառուկյանի ու Իվանիշվիլիի մենթալիտետային տարբերությունների կամ նրանց փողերի տարբեր ծագումնաբանության մասին՝ դա թողելով մեկ այլ զրույցի համար. ընդամենն արձանագրում եմ այննախադեպը, որը ոգևորել է ԲՀԿ նախագահի քաղաքական հավակնությունների ջատագովներին:Շարունակությունն՝ այստեղ:
***
Արամ Մանուկյանին ծեծելու կասկածանքով բերման ենթարկվածին ստորագրությամբ ազատ են արձակել
Արամ Մանուկյանին ծեծելու կասկածանքով բերման ենթարկված 42-ամյա Արշակ Սվազյանին ստորագրությամբ ազատ են արձակել: Այս մասին Լուրեր.com-ի հետ զրույցում ասացին ՀՀ քննչական կոմիտեի մամուլի բաժնից:
Մեզ տեղեկացրին, որ վերցրել են Սվազյանի անձնագիրը և սահմանափակել նրա ազատ տեղաշարժը:
Նշենք, որ ըստ լուրերի, Սվազյանն ԱԺ ՀՀԿ-ական պատգամավոր Առաքել Մովսիսյանի (Շմայս) վարորդներից է եղել, վարել է ԱԺ պետհամարանիշներով մեքենա:
Հիշեցնենք, որ ՀՀ ոստիկանությունը հաղորդագրություն էր տարածել՝ տեղեկացնելով, որ ոստիկանության Երևան քաղաքի վարչության և Արաբկիրի բաժնի ծառայողների ձեռնարկած օպերատիվ-հետախուզական միջոցառումների շնորհիվ պարզվել է կասկածյալի անձը' 1973 թ. ծնված Արշակ Սվազյան, ով դեկտեմբերի 14-ին, ժամը 7.30-ի սահմաններում, Երևանի Ծովակալ Իսակովի 30 հասցեի մոտից բերման է ենթարկվել ոստիկանություն:Շարունակությունն՝ այստեղ:
***
Ինչ որ պետք է' ասել եմ. Առաքել Մովսիսյանը՝ իր վարորդի՝ Արամ Մանուկյանին ծեծի ենթարկելու մասին
Այսօր Ազգային ժողովում լրագրողների հետ ճեպազրույցում, ՀՀԿ-ական պատգամավոր Առաքել Մովսիսյանը չցանկացավ անդրադառնալ այն տեղեկատվությանը, ըստ որի իր վարորդն է ծեծի ենթարկել ՀԱԿ պատգամավոր Արամ Մանուկյանին:
«Ինչ որ պետք է, slaq-ում ասել եմ, իրանցից արտագրեք: Ասեցի հաջողություն ձեզ, դավայ»,- ասաց նա:
Հիշեցնենք, որ ըստ լուրերի, Արամ Մանուկյանի վրե հարձակված Արշակ Սվազյանն ԱԺ ՀՀԿ-ական պատգամավոր Առաքել Մովսիսյանի (Շմայս) վարորդներից է եղել, վարել է ԱԺ պետհամարանիշներով մեքենա:
***
ԱԺ ոչ իշխանական ուժերի հրավիրած արտահերթ նիստը տապալվեց
Ազգային ժողովի ոչ իշխանական ուժերի հրավիրած արտահերթ նիստը տապալվեց քվորում չլինելու պատճառով:
«Արմենպրես»-ի հաղորդմամբ՝ ոչ իշխանական ուժերը կարողացել էին հավաքել արտահերթ նիստ հրավիրելու համար անհրաժեշտ 44 ստորագրությունը, սակայն նիստը չկայացավ, քանի որ հնարավոր չեղավ քվորում ապահովել նիստը սկսելու համար: Նիստի ընթացքում պետք է քննարկվեր ազատամարտիկների և պատգամավոր Արամ Մանուկյանի վրա հարձակումների դեպքերը:
Ոչ իշխանական ուժերի հրավիրած արտահերթ նիստին մասնակցելու համար գրանցեց ընդամենը 45 պատգամավոր: ԱԺ ՀՀԿ խմբակցությունը չմասնակցեց արտահերթին: ԱԺ նախագահ Գալուստ Սահակյանը նկատեց, որ արտահերթ նիստ անցկացնելու համար հավաքվել է 44 ստորագրություն, սակայն ներկա է 43 պատգամավոր, իսկ 45 գրանցվածներից երկուսը' ինքը և ԱԺ փոխնախագահ Հերմինե Նաղդալյանն են, և իրենք ձևաթղթի տակ չեն ստորագրել:
ԱԺ նախագահ Գալուստ Սահակյանը հայտարարեց, որ պատգամավորների գրանցումը կշարունակվի մինչև անհրաժեշտ քվորումի ապահովումը, սակայն ոչ ավելի, քան 3 ժամ: ԱԺ նախագահը 3 ժամ ընդմիջում հայտարարեց:
***
Վթար Վահագնի թաղամասի մոտակայքում. 1 մարդ մահացել է, մյուսի վիճակը միջին ծանրության է
Դեկտեմբերի 15-ին՝ ժամը 15.32-ին, ահազանգ է ստացվել, որ Երևան-Աշտարակ ավտոճանապարհին' Վահագնի թաղամասի մոտակայքում, տեղի է ունեցել ՃՏՊ, կան տուժածներ. անհրաժեշտ է փրկարարների օգնությունը:
Դեպքի վայր են մեկնել մեկ մարտական հաշվարկ և ՃԿԿ օպերատիվ խումբը:Շարունակությունն՝ այստեղ:
