Կառավարությունն այսօրվա նիստում հաստատեց ՀՀ Արարատի (թվով 1), Գեղարքունիքի (թվով 2), Վայոց Ձորի (թվով 5) և Տավուշի մարզերի (թվով 24) 32 սահմանամերձ համայնքների բնակիչներին տրվող սոցիալական աջակցության մասին նախագիծը:

 

ՀՀ տարածքային կառավարման և արտակարգ իրավիճակների նախարար Արմեն Երիցյանի խոսքով՝ 2015 թվականի հունվարի 1-ից 50 տոկոսով կփոխհատուցվի 32 սահմանամերձ համայնքի բնակիչների բնական գազի, էլեկտրաէներգիայի, ոռոգման ջրի սակագնային վարձը:

 

Ամբողջությամբ կփոխատուցվի նաև այդ համայնքների բնակիչների գույքահարկը և հողի հարկը: