Հորդանանում վերջին ութ տարվա ընթացքում կիրառվել է պատժի ամենածանր տեսակը: «Արմենպրես»-ի հաղորդմամբ' ինչպես տեղեկացնում է «ՏԱՍՍ» գործակալությունը, Թագավորության ՆԳՆ-ից հայտնել են, որ մահապատժի է ենթարկվել սպանության մեղադրանքով դատապարտված 11 կալանավոր: «Արևածագին մահապատժի է ենթարկվել 11 հանցագործ: Բոլոր դատապարտյալները Բարձրագույն քրեական դատարանի կողմից մեղադրվել են սպանություն կատարելու մեջ»,-ՆԳՆ-ի ներկայացուցիչ Զիադա ազ-Զոուբիի խոսքերն է մեջբերում հորդանանյան «Պետրա» լրատվական գործակալությունը:

 

Մահապատիժն իրականացվել է Բարձրագույն քրեական դատարանի մի խումբ անդամների, ինչպես նաև Ամմանի գլխավոր դատախազի ներկայությամբ: Մահապատժի ենթարկվածների ազգային պատկանելության մասին տվյալներ չեն հաղորդվում:

 

Հորդանանում վերջին անգամ մահապատիժ է կիրառվել 2006թ. հունիսին: