Ֆրանսիայի ՀՀ դեսպանատանը դեկտեմբերի 17-ին տեղի ունեցավ ԵԿՄ Ֆրանսիայի բաժանմունքի կողմից սահմանված մեդալների հանձնման արարողությունը՝ ԵԿՄ Ֆրանսիայի վարչության պատասխանատու Ռուբիկ Գալստանյանի և ՀՀ դեսպան Վիգեն Չիտեչյանի գլխավորությամբ:
Մեդալներ հանձնվեցին հետևյալ հասարակական-քաղաքական գործիչներին.
Արսեն Չաքրյան (Միսակ Մանուշյան խմբի անդամ)
Լևոն Դավթյան (Ֆրանսիայում ՀՀ հյուպատոս)
Լևոն Խաչատրյան (բժիշկ-սրտաբան)
Էդվարդ Մանուկյան (բժիշկ)
Վահե Վահրամյան (ՀՀ-ում Ֆրանսիայի UNESCO-ի ներկայացուցիչ)
Տեր տիրայր Քելեջյան (քահանա)
Գրիքոր Ջիրջիրյան (Ֆրանսիահայ համայնքի անդամ)
ԵԿՄ Ֆրանսիայի բաժանմունքի ներկայացուցիչ Ռուբիկ Գալստանյանը խոսեց Ֆրանսիայում ԵԿՄ-ի դերի մասին, որի կազմում կան հայորդիներ, որոնք նույն կերպ պատրաստակամ են հայրենիքի կողքին լինել ցանկացած պահի: Դեսպանը կարևորեց Երկրապահի դերն ու կատարած աշխատանքը, որտեղ էլ որ նա գտնվի՝ հայրենիքում կամ դրա սահմաններից դուրս:
