Եգիպտոսում «հունվարի 25-ի հեղափոխության» 4-րդ տարելիցին բախումների հետևանքով տարբեր գավառներում զոհվել է 18, տուժել՝ ավելի քան 50 մարդ: Այս մասին հայտնել է ՏԱՍՍ-ը:
Այսպիսի պաշտոնական տվյալներ է ներկայացնում Եգիպտոսի առողջապահության նախարարությունը: Սպանվածների թվում են նաև երկու ժամկետային զինծառայող, որոնք դարձել են ոստիկանության շարժական կետի վրա զինված հարձակման զոհ:
Առավել դաժան բախումներ են տեղի ունեցել մայրաքաղաքային Էլ-Մաթարիա արվարձանում. այնտեղ զոհվել է 12 մարդ:
Ինչպես հայտնել է նախարարների կաբինետին առընթեր օպերատիվ շտաբի պետ Ալի Հարիդին՝ «ահաբեկչական խմբերը, ովքեր ցուցարարների շարքեր են ներթափանցել, հրազեն են կիրառել ընդդեմ անզեն մարդկանց»:
Նրա խոսքով՝ որպես հարձակման օբյեկտներ են ծառայել նաև էլեկտրագեներատորային կայանները և ոստիկանական տեղամասերը:
Օրվա ընթացքում ոստիկանության աշխատակիցները ձերբակալել են «Մուսուլման եղբայրներ» ասոցիացիայի՝ անկարգություն հրահրող ավելի 500 կողմնակցի:
