Սերժ Սարգսյանն իր քարոզարշավի ժամանակահատվածում արդեն երկրորդ կիքսն է բաց թողնում: Մեկը՝ կապված Եռաբլուրում հայտնի միջադեպի հետ, մյուսն էլ «թարս բուսնող խիյարի» հայտնի դարձած պատմությունը:
Ինչպե՞ս է ստացվել, որ մինչ այս համագումարային հանդիպումներում կազմակերպված ու հագեցած տեքստերով հանդես եկող Սերժ Սարգսյանն արդեն իրականության մեջ ի վիճակի չէ իրացնել իր կողմից հռչակվող սկզբունքները:
Ընդհանրապես, ինչքան էլ խոսվի այն մասին, որ առաջիկա ընտրությունները պարարտ դաշտ են շատ քաղաքական գաղափարների ներմուծման, շրջանառման ու կայացման համար, պարզ է մի բան. իշխանությունն իր տնտեսական ու քաղաքական մոբիլիզացիայով այսօր չունի այնպիսի մրցակից, որ ընտրություններում գոնե որոշակի անհարմարություն պատճառի: Տեսականորեն իհարկե այդ անհարմարությունը կա, ու շարունակվելու է միշտ, հաշվի առնելով իշխանության լեգիտիմության ճգնաժամը:
Հանրապետականներն ու Սերժ Սարգսյանը ժամանակից շուտ «արխային» են ընկել: Արխային չընկնելու երկու իրավիճակ կար՝ Գագիկ Ծառուկյանի կամ Լևոն Տեր-Պետրոսյանի մասնակցությունը ընտրություններին: Հենց այդ իրավիճակում էլ համագումարային գեղեցիկ տեքստերը կվերածվեին նաև քարոզարշավային գեղեցիկ տեքստերի:
Ինչ որ մեկին այս իրավիճակում մեղադրելը բավական բարդ է: Բայց այս պահին իշխանության մեջ տիրող տրամադրություններն ու այդ մասին վկայող «փոքրիկ անախորժությունները» խոսում են մեծ խնդրի առկայության մասին: Իշխանության համար այս պահին ընդդիմություն, կամ գոնե այլընտրանք գոյություն չունի: Միգուցե Հրանտ Բագրատյանը, Րաֆֆի Հովհաննիսյանը կարողանալու են որոշակի ձայներ հավաքել, միգուցե հասցնելու են որոշակի լսարաններ նվաճել, ներմուծել ինչ որ նոր դիսկուրսներ: Բայց սա ընդամենը տեսական իմաստով: Գործնականում գերկենտրոնացված իշխանությանը բավական բարդ է հաղթել «պարտիզանական» կռվում գոնե այս իրավիճակում:
Խնդիրը նաև այն է, որ կուսակցություներից շատերը, որոնք այսօր պայքարի մեջ չեն կամ մեջ են, ժամանակի ընթացքում կուսակցական բավարար գործունեություն չեն ծավալել առնվազն համակարգային մասնակցության համար: Քաղաքական ընդդիմությունը կոնսոլիդացել է ընտրություններից առաջ, ընտրություններից հետո որոշակի ճնշում գործադրել, հետո գնացել հանգստի: Միջանկյալ ու երկար, հաճախ հոգնեցնող թվացող կուսակցական գործունեությունը, նոր ռեսուրսների ու կապիտալի ներգրավումն ու ոչ պաշտոնական քարոզչությունը տեղի չեն ունեցել:
Հանրապետականի դեպքում այդ քարոզչությունը մշտակայուն է մի պատճառով՝ վերջինս իշխանություն է, ու անկախ ամեն ինչից՝ միշտ կարիք ունի նորանոր ռեսուրսներ ներգրավելու: Իշխանությունը դա անում է ֆինանսական ու պետական մեծ ռեսուրսներով: Ընդդիմությունը դա պետք է ու կարող է անել միայն իշխանությունից ավելի նորարար լինելով: Իշխանությունը պետական ու ֆինանսական ռեսուրսը չի կիսելու ընդդիմության հետ, մանավանդ նման որակներով կազմակերպված իշխանությունը: Ուստի ընդդիմությունը հաղթելու համար դատապարված է ավելի նորարար ու կազմակերպված լինել:
Այսօր արդեն կան որոշակի հիմքեր՝ ընդդիմադիր դաշտի գաղափարականացման ու նորարարացման համար: Ինչքանով այդ գործընթացը կզարգանա՝ բարդ է ասել, այդ գործընթացները դեռևս նոր են սկսվում:
Մյուս կողմից, իշխանության միայնակությունը դաշտում պարունակում է դրական ու բացասական կողմեր:
Բացասականն այն է, ինչին մենք այժմ ականատեսն ենք՝ գրեթե հարյուր տոկոսանոց հպարտ զգացողություն հաղթանակի հանդեպ: Դրականն այն է, որ նման իրավիճակով պայմանավորված՝ իշխանությունը սկսելու է տրոհվել: Փետրվարից հետո ամենատեսանելի գործընթացը լինելու է հենց իշխանության տրոհումը: Ընդ որում, սա հետաձգված տրոհում է, հետաձգված դեռևս 2008 թվականից: Իշխանությունն արդեն հասցրել է իր ձեռքում կենտրոնացնել ողջ տնտեսական ու քաղաքական կապիտալը, հաջորդ քայլն այդ կապիտալները տարբերակելն ու սոցիալականացնելն է: Զարգացման կամ գործընթացների շարունակականության այլ տարբերակ չի մնում: Այժմ այդ գործընթացները չեն գործարկվում միայն ընտրությունների ու դրանցում իշխանությանը միավորող միակ գործոնի՝ Սերժ Սարգսյանի մասնակցության պատճառով:
Սերժ Սարգսյանի ընտրվելուց հետո հետաձգված ու կանխատեսվող այդ գործընթացը սկսելու է: Այնպես որ, Սերժ Սարգսյանի «արխային» թվացող կարճ ժամանակահատվածը արագ կավարտվի, երբ իր իսկ թիմերի ներսում կսկսվի պառակտում կամ տրոհում, ու կարիք կլինի կողմնորոշվելու, վերահսկելու, կոորդինացնելու ավելի բարդացող խաղը:
«Արխայինից» հետո, երբ կսկսվի իշխանության տրոհումը
9:56 - 30.Հունվար.2013
Առաջարկում ենք նաև
19/09/22 13:52
Ինչքան այս ստախոսները, այս կապիտուլյանտները մնան իշխանության, միշտ էլ կարելի է ցանկացած անակնկալ սպասել. Սերժ Սարգսյան
03/07/13 13:45
Սերժ Սարգսյան. Գլխավոր խնդիրն իրավունքով իշխանության սահմանափակումը կյանքի կանոն դարձնելն է
16/02/24 16:47
Ճնշումների արդյունքում էլի ինչ-որ բաներ կհանձնեն, մինչև ժողովուրդը այս իշխանություններին կուղարկի տուն․ Սերժ Սարգսյան
28/12/23 14:32
ՀՀ կառավարիչը խոստովանեց, որ գիտակցաբար զոհաբերել է Լեռնային Ղարաբաղը. Սերժ Սարգսյան (տեսանյութ)
24/11/23 19:20
Չի կարելի ընդունել Ադրբեջանի՝ երկկողմ բանակցությունների առաջարկությունը. Սերժ Սարգսյան
11/08/23 10:00
Ադրբեջանական իշխանության դառը հիշողությունները․ շարունակում են թիրախավորել Սերժ Սարգսյանին
04/02/23 21:00
Հողը, հայրենիքը, ընտանիքը պահում են ուժով, համբերությամբ ու տոկունությամբ․ Սերժ Սարգսյան
02/09/22 09:30
Քանի դեռ կեղծ խաղաղասերներն են որոշում կայացնում, վտանգներն ավելի մտահոգիչ չափերի կհասնեն․ Սերժ Սարգսյան
09/05/22 10:15
Խաղաղության գինը անհայրենիք ստրկամիտների համար թշնամուն հպատակությունն է. Սերժ Սարգսյան
01/12/21 15:12
Ընտրություններից հետո մենք մտանք դժոխքի նոր շրջան ու դուրս չեկանք խոր ճգնաժամից. Սերժ Սարգսյան
02/09/21 10:15
Երեսուն տարի առաջ Արցախը կայացրել է իր պատմական որոշումը` Ադրբեջանի կազմից դուրս անվտանգ ապրելը. Սերժ Սարգսյան
18/06/21 22:01
Ես ուզում եմ հունիսի 21-ին գլուխս բարձր գնալ Եռաբլուր ու ասել՝ Հայրենիքը փրկված է. Սերժ Սարգսյան (տեսանյութ)
11/06/21 22:25
Ալիևը մատի վրա ֆռցրեց էս տհասին. Սերժ Սարգսյան
Ամենադիտված
Լրահոս
09:50
«Շատ թանկ է կորուստը, համակերպվելն՝ անհնար, պարզապես ապրում ենք, մինչև...». սերժանտ, ջոկի հրամանատար Տիգրան Գալստյանն անմահացել է հոկտեմբերի 31-ին «Մա...
09:45
Դատավորի մեքենայից հայտնաբերվել է թմրանյութի նմանվող զանգված և խոշոր չափի գումար․ «դարի կողոպուտի» հետքերով
09:40
Աշխատանքային փորձի շեմը կնվազեցվի. կադաստրի կոմիտեն օրենսդրական փոփոխություններ է առաջարկում. «Փաստ»
09:30
Տեղի ունեցողը Հայաստանի՝ առաջին հերթին դիվանագիտության խոշոր պարտությունն է. Փաշինյանի նախկին խորհրդական
09:00
«Զանգեզուրի միջանցքը» կորցնելը, ադրբեջանցի փախստականների վերադարձը իրական են դառնալու. «Հրապարակ» թերթի խմբագիր
08:10
Սամվել Վարդանյանի հետ կապված պատմությունը՝ «լակմուսի թուղթ» հանրային տրամադրությունների առումով. «Փաստ»
17:15
Նախքան ասելը, որ ՀԱՊԿ-ը պարտավոր է սահմանել իր պատասխանատվության գոտին, պետք է սահմանել ՀՀ սահմանները. Լավրով
11:20
ԻՀՊԿ. Սպահանում բարձր ձայները կապված են հարձակումները հետ մղելու հակաօդային պաշտպանության աշխատանքի հետ
10:06
Մայր Աթոռն ինքն է որոշում՝ ով պիտի ներկայացնի իր դիրքորոշումները. տեղեկացրեք նկարահանման տեղն ու ժամը
08:37
«Ժողովուրդ». 46 մլն 236 հազար դրամ «գործ տալու» «Ազդարարի՛ր» հարթակի համար` արդյունքում 176 հաղորդում 12 ամսում