ffa.amՓետրվարի 5-ին տեղի ունեցավ Եվրոպայի մինչև 21 տարեկանների 2017 թ. առաջնության ընտրական փուլի վիճակահանությունը, որի արդյունքում Հայաստանի մինչև 21 տարեկանների հավաքականը հայտնվեց E խմբում: Մեր հավաքականի մրցակիցները կլինեն Դանիայի, Ռումինիայի, Ուելսի, Բուլղարիայի և Լյուքսեմբուրգի հավաքականները: Ինչպես տեղեկացնում է ՀՖՖ Հավաքական թիմերի բաժինը, պատրաստվելով ընտրական մրցաշարին, Հայաստանի մինչև 21 տարեկանների հավաքականը կանցկացնի ընկերական հանդիպում: Մարտի 25-ին մեր հավաքականը Երևանում կհյուրընկալի Լատվիայի մինչև 21 տարեկանների հավաքականին: