Ուկրաինայի նախագահին կից բարեփոխումների միջազգային խորհրդի ղեկավարի պաշտոնում Վրաստանի նախկին նախագահ Միխայիլ Սաակաշվիլիի նշանակումը երկու երկրների միջեւ սկանդալի ծագման պատճառ է դարձել:
Ինչպես հաղորդում է «Արմենպրես»-ը' վկայակոչելով «Գրուզիա Online» լրատվական գործակալությունը, Վրաստանում Ուկրաինայի դեսպան Վասիլ Ցիբենկոն կանչվել է Վրաստանի ԱԳՆ' այդ նշանակման հետ կապված բացատրություններ տալու:
Հաստատելով այդ լուրը' Վրաստանի ԱԳՆ-ն հայտնել է, որ Ուկրաինայում Վրաստանի դեսպան Միխայիլ Ուկլեբան մտադիր է այդ երկրում Սաակաշվիլիին բարձր պաշտոնի նշանակվելու հետ կապված բացատրություններ ստանալ Ուկրաինայի համապատասխան գերատեսչություններում:
Ուկրաինայի նախագահ Պյոտր Պորոշենկոն փետրվարի 13-ի հրամանագրով Վրաստանի նախկին նախագահ Միխայիլ Սաակաշվիլիին նշանալկել է իր արտահաստիքային խորհրդական եւ նորաստեղծ Բարեփոխումների խորհրդակցային միջազգային խորհրդի ղեկավար: Բացի այդ, Սաակաշվիլին պետք է զբաղվի նաեւ Արեւմուտքից Ոկրաինա զենքի մատակարարման հարցերով:
