Այս գիշեր՝ ժամը 3-ի սահմաններում, Գյումրիի բժշկական կենտրոն է տեղափոխվել 1992թ. ծնված Լևոն Վահրամի Ժամակոչյանը, ով ստացել է աջ ազդրի վերին երրորդ առաջամիջյան մակերեսի, ինչպես նաև աջ ակնակապճի առջևից ճակատի և ձախ վերին շրթունքի շրջանի փափուկ հյուսվածքի վնասվածք՝ հասցված սուր-ծակող գործիքով:


Լուրեր.com-ի թղթակցի հետ զրույցում ոստիկանության լրատվական ծառայության աշխատակից Արմեն Մալխասյանը հաստատեց դանակահարության դեպքը՝ նշելով, որ հանգամանքները պարզվում են:

 

Դանակահարություն կատարած անձի ինքնությունը ոստիկանությանը հայտնի է:

 

Հարցրինք նաև՝ արդյոք դեպքը որևէ առնչություն ունի՞ մարտի 7-ին Գյումրիում հնչած կրակոցների հետ, որի հետևանքով 6 մարդ վնասվածքններ էին ստացել, Արմեն Մալխասյանն ասաց, որ այդ երկու դեպքերը միմյանց հետ կապ չունեն: