Իրանի պաշտպանության նախարար Հոսեին Դեհղանը երկօրյա պաշտոնական այցով ժամանել է Բաքու:
Այս մասին, ինչպես հաղորդում է «Արմենպրես»-ը, հայտնում է ադրբեջանական «Թուրան» լրատվական գործակալությունը' չնշելով այլ մանրամասներ:
Իրանի Mehr լրատվական գործակալությունն ավելի վաղ հայտնել էր, որ Դեհղանը Բաքվում հանդիպումներ կանցկացնի Ադրբեջանի բարձրագույն քաղաքական եւ ռազմական ղեկավարության հետ:
Հանդիպումների եւ բանակցությունների ընթացքում քննարկվելու են երկկողմանի հարաբերությունների, տարածաշրջանային եւ ռազմական խնդիրների հետ կապված հարցեր:
«Դեհղանի Բաքու այցի նպատակը պաշտպանական եւ ռազմական ոլորտում Ադրբեջանի հետ համագործակցությունը նոր մակարդակի վրա բարձացնելն է», -նշել է Mehr-ը:
