«Իմ իրավունքը» հաղորդաշարի այս թողարկումն անդրադարձել է ՀՀ ընտրողների ազատ կամարտահայտման իրավունքին: Չնայած գործող իշխանությունների հավաստիացումներին՝ նախընտրական քարոզարշավի ընթացքում նախագահի որոշ թեկնածուներ հայտարարում են, որ վարչական ռեսուրսի կիրառումը, անձնագրային տվյալների հավաքագրման գործընթացները շարունակվում են: Իսկ թե ինչու է ՀՀ քաղաքացին, մեծ մասամբ, լռում և չի դիմում համապատասխան կառույցներին, հաղորդաշարի հյուրի՝ Մարդու իրավունքների պաշտպան Կարեն Անդրեասյանի դիտարկմամբ, մեղավոր են նաև պետական կառույցները, որոնց ուղղորդված կամ չուղղորդված ծուլության հետևանքով քաղաքացին կորցրել է իր վստահությունը նաև մյուս կառույցների հանդեպ: