«Mediamall.am» լրատվականն ամփոփում է օրը.
Ողբերգական դեպք' Արարատի մարզում. Վեդի գետում 9-ամյա և 7-ամյա եղբայրներ են խեղդվել
Հունիսի 12-ին, ժամը 15.10-ին տեղեկություն է ստացվել, որ Վեդի-Գոռավան ավտոճանապարհի կամրջի աջ կողմում' գետում, նկատվել են դիեր: Այս մասին ԼՈՒՐԵՐ.com-ը տեղեկանում է Տարածքային կառավարման և արտակարգ իրավիճակների նախարարությունից:
Դեպքի վայր է մեկնել մեկ մարտական հաշվարկ:
Հրշեջ-փրկարարները Վեդի գետից դուրս են բերել 2006 թ. ծնված Ա. և 2008 թ. ծնված Ա. Դ.-ների դիերը:
***
Լևոն Զուրաբյանը ՀԷՑ-ի վերաբերյալ «բացում է փակագծերը»
Էլեկտրաէներգիայի սակագնի վերանայման հիմնավորվածության վերաբերյալ խորհրդարանական լսումների ժամանակ ՀԱԿ պատգամավոր Լևոն Զուրաբյանը ՀԷՑ-ի վերաբերյալ «բացում է փակագծերը»:
Տեսանյութը՝ 1in.am-ի
***
Բա որ մի օր ՀԷՑ-ը «գմփա՞». Նիկոլ Փաշինյան
Այսօր ԱԺ-ում Նիկոլ Փաշինյանը ՀԾԿՀ նախագահ Ռոբերտ Նազարյանից հետաքրքրվեց ՀԷՑ ունեցած կորուստներից. «Դուք կարո՞ղ եք ասել՝ ՀԷՑ-ն ինչ պարտավորություն ունի՝ նվազեցնելու կորուստները: Ինչքա՞ն ներդրում է արել, որ կորուստը նվազի: Ըստ ձեր ներկայացրած տվյալների՝ կորուստը պետք է կազմի 12 տոկոս, որտե՞ղ է նշված նման նորմատիվ.
Դուք խոսում եք, որ ՀԷՑ-ը ծանր վիճակում է, սակայն չմոռանանք, որ այն մոնոպոլիստ է մեր երկրում: Բա որ մի օր վեր կենանք ու տեսնենք, որ այն էլ չկա, որ գմփացել է ֆինանսատնտեսական իմաստով. մենք միայն արձագանքողի դերում ենք լինելու, մինչդեռ ՀԷՑ-ի ղեկավարությունը լեքսուսներ է վարձում: Բիբինին չի՞ կարող «Գազ 21» կամ «Գազ 24» սպասարկի»,- հարցրեց Փաշինյանը:
Ռոբերտ Նազարյանը պատասխանեց. «Հանգիստ եղեք, ՀԷՑ-ը չի «գմփա», խոստանում եմ ձեզ»:
