Նախորդ շաբաթվա ընթացքում Երևանում հայտնաբերվել և արձանագրվել է ապօրինի շինարարության 4 դեպք:

Դեպքերի հայտնաբերումը հնարավոր է դարձել Երևանի քաղաքապետարանի քաղաքաշինության և հողի վերահսկողության վարչության, ինչպես նաև մայրաքաղաքի վարչական շրջանների համապատասխան բաժինների իրականացրած համատեղ վերահսկողության շնորհիվ:

Քանդման աշխատանքներ են իրականացվել 2 հասցեներում: Նույն ժամանակահատվածում շինարարական հրապարակների համար սահմանված պայմանները չպահպանելու դեպքերի վերաբերյալ 4 արձանագրություն է կազմվել: