Թուրքիան 700 հազար դոլարի ռազմական նյութատեխնիկական միջոցներ է նվիրաբերել Վրաստանի պաշտպանության նախարարությանը: Ինչպես հաղորդում է «Արմենպրես»-ը, այս մասին հայտնում է «Գրուզիա Online» լրատվական գործակալությունը' նշելով, որ ռազմական նյութատեխնիկական միջոցները վրացական կողմի ուժային գերատեսչություններին հանձնվել են 2004 եւ 2007 թվականներին երկու երկրների ԶՈւ միջեւ ստորագրված համաձայնագրրեի շրջանակում:

 

Ըստ գործակալության' նյութատեխնիկական միջոցների հանձնման հանդիսավոր արարողությունը տեղի է ունեցել Վրաստանի ՊՆ Օրխեւի բնակավայրում գտնվող ավտոմոբիլային գումարտակում: Նշվում է, որ Վրաստանի ԶՈւ գլխավոր շտաբի պետի տեղակալ Օմար Բեգոիձեն աջակցության համար երախտագիտություն է հայտնել թուրքական կողմին: