Թուրքիայի կառավարությունում երկու նոր նախարարներ են նշանակվել, հաղորդում է ՌԻԱ «Նովոստին»:
Նախօրեին քրդամետ «Ազգերի դեմոկրատիա» կուսակցության ներկայացուցիչ նախարարներ Ալի Հայդար Քոնջան ու Մյուսլիմ Դողանը հրաժարական էին տվել՝ բողոքելով երկրի հարավ-արևելքում բռնությունների աճից:
«Համաձայն Թուրքիայի սահմանադրության՝ հրաժարական տված նախարարների փոխարեն ԵՄ հարցերով նախարար է նշանակվել Բերիլ Դեդեօղլուն, իսկ զարգացման նախարար՝ Ջունեյթ Դյուզյոլը»,-ասված է կառավարության տարածած մամուլի հաղորդագրության մեջ:
Դեդեօղլուն Ստամբուլի Գալաթասարայ համալսարանի միջազգային հարաբերությունների ամբիոնի ղեկավարն է՝ Թուրքիայի արտաքին քաղաքականության և միջազգային անվտանգության հարցերով:
