Իսպանիայի առաջնության 14-րդ տուրում «Արքայական ակումբը» տնային խաղում 4:1 հաշվով առավելության հասավ «Խետաֆեի» նկատմամբ:
Մեկնարկից չորս րոպե անց Քարիմ Բենզեման հեղինակեց խաղի առաջին գոլը, հարձակվողը 16-րդ րոպեին խփեց նաև իր երկրորդ գոլը:
35-րդ րոպեին Կրիշտիանու Ռոնալդուի փոխանցումից հետո Գարեթ Բեյլը խփեց դաշտի տերերի 3-րդ գոլը, իսկ երեք րոպե անց պորտուգալացին ինքը դարձավ գոլի հեղինակ:
Հյուրերը միակ գոլը խփեցին երկրորդ խաղակեսում' 70-րդ րոպեին աչքի ընկավ Ալեքսիսը:
Այս հաղթանակից հետո Բենիտսի թիմը իր ակտիվում ունի 30 միավոր:
