Թուրինի «Յուվենտուսը» փորձել է համաձայնության գալ Դորտմունդի «Բորուսիայի» հետ կիսապաշտպան Իլքայ Գյունդողանի տրանսֆերը գնելու հարցի վերաբերյալ:
Ինչպես տեղեկացնում է Sky Sport Italia-ն, գերմանական ակումբը մերժել է Իտալիայի չեմպիոնների առաջարկը:
Թե որքան գումար է առաջարկել թուրինյան թիմը դորտմունդցիներին, չի հրապարակվում:
Հավելենք, որ Գյունդողանն ընթացիկ մրցաշրջանում Բունդեսլիգայում մասնակցել է 16 խաղի և կատարել մեկ արդյունավետ փոխանցում: