Աֆղանստանի Ջելալաբադ քաղաքում Հնդկաստանի հյուպատոսության շենքի մոտ պայթյուն է տեղի ունեցել, հաղորդում է NDTV հեռուստաալիքը:
Մահապարտ ահաբեկիչը գործի է դրել պայթուցիկ սարքը շենքից 200 մետր հեռավորության վրա:
Տվյալ շրջանում գտնվում են մի շարք հյուպատոսական հիմնարկներ:
Reuters-ի տեղեկության համաձայն՝ պայթյունից հետո փակվել է Պակիստանի հյուպատոսությունը: Հաղորդվում է նաև երկու զոհի և երկու վիրավորի մասին:
Նախնական տեղեկություններով՝ ահաբեկչական հարձակումն իրականացվել է հյուպատոսության շենքում հերթի ժամանակ:
Ոստիկանության տվյալներով՝ մյուս հարձակվողները կարող են լինել հյուպատոսարանի անմիջական մոտակայքում:
