Ադրբեջանի «Խազար-Լենքորան» ֆոտբոլային ակումբի ֆոտբոլիստները հրաժարվել են մարզումներից, քանի որ արդեն երեք ամիս է, ինչ նրանք աշխատավարձ չեն ստանում: Այս մասին հաղորդում է qafqazinfo.az-ը:

Ֆուտբոլիստներն ասել են, որ չեն մարզվելու և չեն մասնակցելու առաջնությանը, քանի դեռ իրենց չեն վճարել աշխատավարձի պարտքերը:

«Խազար-Լենքորանի» գլխավոր մարզիչը՝ Յունիս Հուսեյնովը, երկու օր առաջ հրաժարական է տվել:

Ակումբի սեփականատեր և պատվավոր նախագահ Մուբարիզ Մանսիմովը հրաժարվել է ֆինանսական ներարկումներից և ակումբի նախագահ իր եղբորը՝ Մայիս Մանսիմովին խորհուրդ է տվել վաճառել Մասալլը քաղաքում գտնվող Անատոլի Բանիշևսկու անվան' պարապուրդի մատնված մարզադաշտը: