Միլիարդատեր և ԱՄՆ-ի նախագահի պաշտոնի գլխավոր թեկնածուներից մեկի՝ Դոնալդ Թրամփի քույրն սպառնալիքներով նամակ է ստացել, տեղեկացնում է «Արմենպրես»-ը՝ հղում անելով Associated Press գործակալությանը:
Մերիեն Թրամփ Բերրին բնակվում է Ֆիլադելֆիայում, որտեղ դատավոր է աշխատում վերաքննիչ դատարանում:
Հետաքննությունների համերկրային բյուրոյի աշխատակիցները հայտնել են, որ իրենք նախազգուշացվել են պատահածի մասին և այս գործով սերտորեն համագործակցում են հատուկ ծառայությունների, ինչպես նաև մարշալների ծառայության հետ:
Անցյալ շաբաթ քաղաքական գործչի 32-ամյա որդի Էրիկ Թրամփը, որը բնակվում է Նյու Յորքի Կենտրոնական զբոսայգու շրջանի էլիտար բնակելի համալիրում, ստացել է կասկածելի նամակ՝ սպիտակ փոշիով: Շատ չանցած ոստիկանությունը հայտնել է, որ փոշու մեջ թունավոր նյութ չկա:
Դոնալդ Թրամփի ներկայացուցիչները, ինչպես նաև միլարդատերն ինքը, առայժմ չեն մեկնաբանել պատահածը, հաղորդել է ՌԻԱ Նովոստին:
