«Սառեցված հակամարտություն» անվանումը կրող հոդված և ֆոտոշարք է ներկայացրել Washington Post-ը:
Թուրքիայի և Ռուսաստանի միջև լարվածությունը Սիրիայի փախստականների ճգնաժամի շուրջ, գուցե, թեժացրեց փխրուն խաղաղությունն ապրիլյան այդ 5 օրերին: ԱՄՆ պետքարտուղար Ջոն Քերին զսպվածության կոչ է արել կողմերին:
Պարբերականը ներկայացնում է հայ ֆոտոլրագրող Անուշ Բաբաջանյանի աշխատանքները, ով այցելել է Լեռնային Ղարաբաղ հակամարտության սրացման օրերին:
Նա հանդիպել է պատերազմից վերադարձող զինվորների, ընտանիքների, որոնք լքել են իրենց տները՝ վախեցած և հուսահատ:
«Մարդիկ սպասում էին, որ հարվածներ կհասցվեին զինվորական հենակետերին, բայց ոչ երբեք գյուղերին»,- ասում է լուսանկարիչը:
Վլադիմիր Ավետիսյան, 23 տարեկան, Գյումրիից մեկնում է Աղդամ՝ ԼՂ-ի և Ադրբեջանի միջև ընկած ճակատային գիծ: Նա տնից շտապ վերադարձել է արձակուրդից, երբ ապրիլի 1-ին սկսվել են բախումները:
Լեռնային Ղարաբաղի հակամարտության (1988-94թթ.) վետերանները և երիտասարդ զինվորականները ժամանում են Ստեփանակերտ՝ որպես կամավորներ ճակատ մեկնելու համար:
ԼՂ վարչապետ Արայիկ Հարությունյանն իր թիմի հետ քննարկում է Ստեփանակերտ ժամանող կամավորների ընդունման հետ կապված հարցերը:
Թալիշը բազմիցս տուժել է հակամարտության հետևանքով: Գյուղացիներն ստիպված էին հեռանալ իրենց տներից ու առանց հսկողության թողնել կենդանիներին:
12 տարեկան Վաղարշակ Գրիգորյանը սպանվել է Մարտունիում՝ դպրոցի հարևանությամբ արձակած արկի հետևանքով ապրիլի 2-ին: Երեխան մեկն է այն 4 անձանցից, որոնք սպանվել են ապրիլի 1-5-ն ընկած ժամանակահատվածում:
Լեյտենանտ Վահե Ավանեսյանը (27 տարեկան) ու զինվոր Հարութ Գասպարյանը (19 տարեկան), ապրիլի 4-ի ռազմական գործողությունների ժամանակ:
Զինվորները վերականգնում են հեռախոսալարերը Մատաղիս գյուղի զորամասում: Լարերը վնասվել էին կռվի ժամանակ:
Զինվորները երկու տարի պետք է կրեն իրենց զինվորական կոշիկները:
30-ամյա Հերմինե Սահակյանի տունը երկու անգամ վնասվել է Թալիշում հնգօրյա պատերազմի ընթացքում:
Հերմինե Սահակյանի ընտանիքն ապաստանել է Ստեփանակերտի հյուրանոցում:
Ղարաբաղի այս հատվածը 30 մետր է հեռու Ադրբեջանի հետ սահմանից: Այստեղ 1994թ. դաժան մարտեր են ընթացել: Սա դեռևս վտանգավոր գոտի է, և մեքենաներն այստեղով արագ են ընթանում:
36-ամյա Դավիթ Գասպարյանը սպանվել է ապրիլի 4-ի երեկոյան շփման գծում՝ միայնակ թողնելով կնոջն ու երեք երեխաներին:
63-ամյա Յուրի Գասպարյանը՝ Դավիթի հայրը:
1988-1994թթ. պատերազմի ավերակները, Ասկերան:
