armnoc.am Կոսովոյի Գժակովո քաղաքում անցկացվող շախմատի Եվրոպայի անհատական առաջնությունում Հայաստանի ներակայացուցիչ Ռոբերտ Հովհաննիսյանը (7,5 միավոր) զբաղեցրեց 8-րդ հորիզոնականը:

Վերջին տուրում Հովհաննիսյանը ոչ-ոքի խաղաց Դանիան ներկայացնող Տարի Արյանի հետ: Արման Փաշիկյանը (41-րդ տեղ) պարտվեց: Ոչ-ոքի խաղացին Սամվել Տեր-Սահակյանը (21-րդ տեղ), Զավեն Անդրիասյանը (33-րդ տեղ), Մանուել Պետրոսյանը (51-րդ տեղ) և Գաբրիել Սարգսյանը (38-րդ տեղ): Հաղթանակ տոնեցին Հրանտ Մելքումյանը (30-րդ տեղ) և Հովհաննես Գաբուզյանը (43-րդ տեղ):

Շախմատի Եվրոպայի անհատական առաջնության չեմպիոն դարձավ Էռնեստո Ինարկիևը, ով 11 հնարավորից հավաքեց 9 միավոր: