Նախագահ Սերժ Սարգսյանն այսօր մի շարք հրամանագրեր է ստորագրել։ Դրանցից մեկի համաձայն՝ Դավիթ Փախչանյանը նշանակվել է Հայաստանի Հանրապետության պաշտպանության նախարարի տեղակալ- պաշտպանության նախարարության ռազմարդյունաբերության պետական կոմիտեի նախագահ:
Դավիթ Փախչանյանը «Այբ»-ի հիմնադիրներից է, ռուսական «Աերոսիբ» ընկերության գործադիր տնօրենը։ Ընկերությունը Ռուսաստանի ամբողջ տարածքում իրականացնում է ավիափոխադրումներ, գործում է 1996 թվականից։
Իսկ Դավիթ Փախչանյանի եղբայրը՝ Արամ Փախչանյանը ևս «Այբ»-ի հիմնադիրներներից է, ինչպես նաև ABBYY ընկերության փոխնախագահը։
Արամ Փախչանյանը
Նշենք, որ «Այբ» դպրոցը ստեղծվել է «Այբ» կրթական հիմնադրամի կողմից: «Այբ» հիմնադրամը հիմնադրվել է 2006 թվականին' մարդկանց կողմից, ովքեր սեփական ձեռքբերումներն ու հաջողությունները համարում են որակյալ կրթության արդյունք և կամենում են միասնական ու համակարգված ներդրումներով ստեղծել բարձրորակ կրթական միջավայրեր: