Ռիո դե Ժանեյրոյում շարունակվող ամառային Օլիմպիական խաղերում հունահռոմեական ոճի ըմբշամարտի 85 կգ քաշային կարգում Հայաստանի ներկայացուցիչ Մաքսիմ Մանուկյանը բրոնզե մեդալի համար պայքարելու հնարավորություն չստացավ:

Մեր մարզիկին նախնական գոտեմարտում հաղթած հունգարացի մարզիկը չհասավ եզրափակիչ: Կիսաեզրափակչում հունգարացին 1:7 հաշվով պարտվեց ռուսաստանցի մարզիկին:

Բրազիլիան ներկայացնող Էդուարդ Սողոմոնյանը 130 կգ քաշայինների որակավորման փուլում պարտվել էր Վրաստանի ներկայացուցչին: Վրացի մարզիկը նույնպես եզրափակիչ չհասավ և քառորդ եզրափակչում պարտվեց:

Արդյունքում հայազգի մարզիկը բրոնզե մեդալի համար պայքարի հնարավորություն չստացավ: