Ռուսաստանն ատամներով պաշտպանում է արտերկրում գտնվող իր քաղաքացիներին, եթե նույնիսկ նրանք ծանր հանցագործություն են կատարել կամ կասկածվում են այդպիսին կատարելու մեջ:
Ոճրագործ Պերմյակովը, իբրև թե դատվեց հայկական դատարանում, բայց համառորեն շարունակում է մեկուսացված մնալ ռուսական ռազմաբազայում:
Սերգեյ Միրոնովը կմնա ազատության մեջ՝ մինչև 40 օրվա ընթացքում հայկական կողմը որոշի արտահանձնել նրան ԱՄՆ, թե՝ ոչ: Միրոնովի աղմկահարույց գործում Երևանն ընտրեց «ոսկե միջինի» տարբերակը՝ որոշելով չհիասթափեցնել Վաշինգտոնին և չշահել Մոսկվայի զայրույթը:
Առաջին ատյանի դատարանի երեկվա վճիռը քաղաքական էր: Միրոնովն ազատ արձակվեց ոչ թե իրավական, այլ քաղաքական մոտիվներով:
Հայաստանի իշխանությունները կամ տեղի տվեցին Ռուսաստանի ճնշմանը և չբացակայելու ստորագրությամբ ազատ արձակեցին նրա քաղաքացուն, կամ էլ 40 օրվա պաուզա վերցրեցին՝ ռուս-ամերիկյան հակադրության ֆոնին քաղաքական առևտուր անելու և քաղաքական դիվիդենտներ շահելու նպատակով:
Արդարադատությունը գոնե մասնակիորեն զոհաբերվեց քաղաքական նպատակահարմարությանը:
Սա մեկ մասնավոր էպիզոդ է, որը, սակայն, բացահայտում է կարևոր մի իրականություն: Հայաստանը շարունակում է դոփել քաղաքակարթության և «գողական պանյատյաների» սահմանագծում:
Սարգիս Հակոբյան