Այսօր կառավարության նիստում կառավարության աշխատակազմի ղեկավար-նախարար Դավիթ Հարությունյանը ներկայացրեց «ՀՀ կառավարության կառուցվածքի մասին» ՀՀ օրենքում փոփոխություններ կատարելու մասին» օրենքի նախագիծը:
Ըստ այդ փոփոխությունների՝ Քաղաքաշինության նախարարությունը դադարելու է գոյություն ունենալ, իսկ Էներգետիկայի եւ բնական պաշարների, տրանսպորտի եւ կապի ու էկոնոմիկայի նախարարություններն անվանափոխվելու են:
Ստորեւ ներկայացնում են նոր անվանումները:
Ներդրումների և ձեռնարկատիրության աջակցության նախարարություն (էկոնոմիկայի նախարարության փոխարեն)
Էներգետիկ ենթակառուցվածքների եւ բնական պաշարների նախարարություն
Տրանսպորտի, կապի և տեղեկատվական տեխնոլոգիաների նախարարություն
Քաղաքաշինության նախարարությունը կվերանա եւ կդառնա կառավարությանն առընթեր մարմին կամ կոմիտե:
