Ինչպես արդեն տեղեկացրել ենք՝ երեկ Լոռիում արջի երկու քոթոթ են գտել: Այսօր Վանաձորի գետի ափին լքված քոթոթները տեղափոխվեցին Երևան, Կենդանաբանական այգու կլինիկա:
«Հնարավոր է՝ քոթոթների մայրը հայտնված լինի թակարդում, կամ կրակած լինեն, բայց, ամեն դեպքում՝ մարդու գործոնն առկա է»,- ասում է Կովկասյան բազմազանության ապաստարանի համակարգող Մանուկ Մանուկյանը:
Նրա խոսքով՝ անդրկովկասյան գորշ արջուկներն իրենց մայրիկին հավանաբար երեկ են կորցրել, քանի որ շատ լավ խնամված, մաքուր և սիրված տեսք ունեն:
Մասնագետը նշեց, որ քոթոթները Կենդանաբանական այգու կլինիկայում կմնան այնքան, մինչև դուրս գան սթրեսից. նրանց տեղը վայրի բնությունն է:
