Կառավարության մայիսի 23-ի նիստում Երեւանի քաղաքապետ Տարոն Մարգարյանը Կառավարությանը ներկայացրեց «Սպայկա» և «Արմսանպրոդակտ» ՍՊԸ-ներին հողամաս նվիրաբերելու մասին կառավարության որոշման նախագիծ:
Տարոն Մարգարյանը նշեց, որ քաղաքապետարանն այս ընկերություններին որպես նվիրատվություն տալիս է 76.4 եւ 86.8 հեկտար հողատարածքներ:
Ըստ քաղաքապետի՝ ընկերությունները պատրաստվում են 110 հեկտարի վրա ջերմոց և պանրի գործարան կառուցել:
Հողատարածքների կադաստրային արժեքները համապատասխանաբար կազմում են 2.2 միլիարդ եւ 2.5 միլիարդ դրամ:
Ընդհանուր առմամբ՝ քաղաքապետարանը «Սպայկա» և «Արմսանպրոդակտ»-ին նվիրաբերում է 4.7 միլիարդ դրամ արժողությամբ հողատարածք:
Քաղաքապետը զեկուցեց, որ նվիրաբերված հողակտորի վրա կառուցված պանրի գործարանում բացվելու է 1300 աշխատատեղ:
Նշեցնք, որ գործադիրը հավանության արժանացրեց քաղաքապետի ներկայացրած որոշման նախագիծը և, այսպիսով, «Սպայկա» ընկերությունն անհատույց նվիրաբերություն ստացավ հողակտոր՝ Երևանի Նորագավիթ թաղամասում:
