Կառավարության օգոստոսի 10-ի նիստի ընթացքում վարչապետ Կարեն Կարապետյանն անդրադարձավ պետական գույքը վարձակալական հիմունքներով հանձնելու գործընթացում և վարձակալության տրամադրման ժամանակ առկա խնդիրներին:
Վարչապետը նշեց, որ պետական գույքը վարձակության տալու ընթացքում, ըստ կատարված ուսումնասիրությունների, առկա են շատ լուրջ բացթողումներ, որոնք վերաբերում են և գույքի իրական արժեքից շատ ավելի ցածր վարձի սահմանմանը, շուկայական և կադաստրային գների միջև առկա տարբերությանը և ներդրումային ծրագրերի բացակայությանը:
Հաշվի առնելով այս և այլ խնդիրներ՝ գործադիրի ղեկավարը հանձնարարեց պետական գույքի կառավարման վարչությանը՝ մեկամսյա ժամկետում մշակել և կառավարության աշխատակազմ ներկայացնել պետական գույքը վարձակալության տալու կարգին վերաբերող նոր մեխանիզմներ՝ վերացնելով կադրաստրային արժեքի և շուկայական արժեքի միջև առկա գնային տարբերություններն ու առկա այլ խնդիրերը:
