ՀՀ վարչապետ Կարեն Կարապետյանը Կոմիտասի թանգարան-ինստիտուտում սեպտեմբերի 5-ին ներկա է գտնվել «Ընտրանի» խորագրով ցուցահանդեսի բացմանը, որում ներկայացվել են հայ արվեստի լավագույն ստեղծագործությունները:

Ինչպես տեղեկացրին ՀՀ կառավարության տեղեկատվության և հասարակայնության հետ կապերի վարչությունից, վարչապետը ծանոթացել է ցուցահանդեսին ներկայացված դասական և մոդեռն մի շարք վարպետների ստեղծագործություններին:

Ցուցահանդեսին, մասնավորապես, ներկայացված են Հովհաննես Այվազովսկու, Գևորգ Բաշինջաղյանի, Վարդան Մախոխյանի, Եղիշե Թադևոսյանի, Վահրամ Գայֆեջյանի, Մարտիրոս Սարյանի, Երվանդ Քոչարի, Արշիլ Գորկիի, Լևոն Թութունջյանի, Դմիտրի Նալբանդյանի, Գառզույի, Սարգիս Դիրանյանի, Ժան Ժանսեմի, Հակոբ Հակոբյանի, Մինաս Ավետիսյանի, Աշոտ Հովհաննիսյանի, Սեյրան Խաթլամաջյանի, Ռոբերտ Էլիբեկյանի լավագույն գործերը՝ թվով 25 ստեղծագործություն: