«Հայկական ժամանակ» թերթը գրում է.

«Երեւանի քաաքապետարանն այս տարի թվով 3 հատ «Տոյոտա Քեմրի» տեսակի ավտոմեքենա է գնել: Քաղաքապետարանի կնքած պայմանագրերի ուսումնասիրությունից պարզվեց, որ «Տոյոտա Երեւան» ընկերության հետ պայմանագիրը կնքվել է այս տարվա հունիսի 6-ին:

Պայմանագրի ընդհանուր արժեքը կազմել է 34 միլիոն 920 հազար դրամ, իսկ ամեն մեքենայի համար քաղաքապետարանը վճարել է 11 միլիոն 640 հազար դրամ:

«Տոյոտա Քեմրի» մեքենաների տեխնիակակն բնութագրում կարդում ենք, որ գնված մեքենաները եղել են 2017 թվականի արտադրության: Շարժիչի ծավալը 2.5 լիտր, հզորությունը 181 ձիաուժ, իսկ վառելիքի ծախսը՝ 5.9 լիտրից 11 լիտր 100 կիլիոմետրին: Ի դեպ, գնված մեքենաներից երկուսը սեւ մետալիկ գույնի են, մեկը՝ սպիտակ մետալիկ»:

Առավել մանրամասն՝ թերթի այսօրվա համարում