ԱԺ-ում մեկնարկած արտահերթ նիստի ընթացքում այսօրվա օրակարգի հաստատումից հետո ԱԺ «Ծառուկյան» և ԵԼՔ խմբակցության պատգամավորները միասին դուրս եկան նիստերի դահլիճից և անցան խորհրդակցական սենյակ:
Լրագրողների հարցին, թե ինչ են պատրաստվում քննարկել ԱԺ երկու ընդդիմադիր ուժերի ներկայացուցիչները, Էդմոն Մարուքյանը պատասխանեց՝ նախագահի թեկնածուի հարցը:
Լրագրողների հետ զրույցում, սակայն, ԱԺ «Ծառուկյան» խմբակցության պատգամավոր Գևորգ Պետրոսյանը հերքեց այս տեղեկատվությունը՝ նշելով, որ քննարկման թեման հանրապետության նախագահի թեկնածուին չի վերաբերվել:
Պետրոսյանը նաև տեղեկացրեց, որ դաշինքը նոր է ստացել ԵԼՔ-ի դիմումը և դեռ նրանց թեկնածուին սատարելու մասով քննարկումներ չեն ծավալել. «Դե, հիմա «Ելքը» ակնկալում է, ոչ մեկի չես կարող զրկել ակնկալիքներից, այլ խնդիր է, թե այդ ակնկալիքները որքանո՞վ են իրականանալի մեր մասով: Ցանկացած հարցում, այդ թվում և այս հարցում՝ բանակցությունը ենթադրում է երկու կողմի հավասար մասնակցություն, իսկ իրենք պարզե՞լ են` մենք ունե՞նք թեկնածու, և ի՞նչ է` մենք պարտադրվա՞ծ ենք»,- ասաց Պետրոսյանը:
Պետրոսյանը նաև հավելեց, որ այս պահին իրենք նախագահի թեկնածու չունեն:
Առավել մանրամասն՝ տեսանյութում.