ՌԴ վարչապետ, «Միասնական Ռուսաստան» կուսակցության նախագահ Դմիտրի Մեդվեդևը հաստատեց, որ կուսակցությունը 2018 թվականին նախագահական ընտրություններում աջակցում է Վլադիմիր Պուտինին: Այս մասին հաղորդում է ՏԱՍՍ գործակալությունը:
«Այս տարի լրանում է կուսակցության 16 տարին: Այս տարիների ընթացքում այն ունեցել է անվիճելի առաջնորդ: Առաջնորդ, որը միավորում է տարբեր մարդկանց, Ռուսաստանին: Նա, ում վստահում ու աջակցում է կուսակցության բացարձակ մեծամասնությունը, Վլադիմիրի Պուտինն է»,-ասել է Մեդվեդևը «Միասնական Ռուսաստան» կուսակցության համագումարին:
Նա հիշեցրել է, որ կուսակցության անդամները արդեն վաղուց և հստակ որոշել են, թե ում են աջակցելու:
