Ռուսաստանի ԱԳ նախարար Սերգեյ Լավրովը հայտարարել է Մեծ Բրիտանիայում քննվող ՌԴ Հետախուզության գլխավոր վարչության նախկին գնդապետ Սերգեյ Սկրիպալի թունավորման գործում կոնկրետ փաստերի բացակայության մասին, որոնք մատնացույց կանեին միջադեպին ռուսական կողմի մասնակցությունը, հայտնում է «ՌԻԱ Նովոստի»-ն:
«Ինչ վերաբերում է մեր տված կոնկրետ հարցին, ապա որեւէ կոնկրետ փաստ չենք լսել: Մենք միայն հեռուստատեսային ռեպորտաժներ ենք տեսնում, որտեղ այնքան լուրջ դեմքով ձեր գործընկերները պաթոսով ասում են, որ եթե դա Ռուսաստանն է, ապա այնպիսի պատասխան կլինի, որը Ռուսաստանն ընդմիշտ կհիշի»,- ասել է Լավրովը:
