Շիրակի մարզի Վարդաքար համայնքում մարտի 11-ին ընտրում են ավագանու 5 անդամի: Առաջադրված էր 6 թեկնածու, սակայն թեկնածուներից մեկի ինքնաբացարկի պատճառով գյուղում ընտրական պայքար չկա: Ժամը8.00-ին, ՀՀ ընտրական օրենսգրքով սահմանված կարգով, բացվել է գյուղի միակ տեղամասը և ընդունել առաջին ընտրողներին:
Ինչպես տեղեկացրեց Շիրակի մարզպետարանի տեղական ինքնակառավարման և համայնքային ծառայությունների հարցերի բաժնի պետ Ռուբեն Հարությունյանը, համայնքում ընտրելու իրավունք ունեցող 477 քաղաքացուց, ժամը 14:30-ի դրությամբ ընտրական պարտքը կատարել է 85-ը: «Ճիշտ է, այս պահի դրությամբ ակտիվությունն այնքան էլ մեծ չէ, սակայն օրը դեռ առջևում է»,- նշեց Ռուբեն Հարությունյանը՝ փաստելով, որ ընտրությունները անցնում են նորմալ, բողոք կամ ահազանգ չի ստացվել: