Մենք բոյկոտել ենք ընտրությունները: Այս մասին լրագրողների հետ զրույցում ասաց «Ելք» խմբակցության պատգամավոր Էդմոն Մարուքյանը՝ պատճառաբանելով, թե ինչու ներկա չէին ՍԴ անդամի թեկնածուի ընտրություններին։
Նրա խոսքով՝ պատճառը ներկա քաղաքական իրավիճակն ու մասնագիտացված ՀԿ-ների կողմից բարձրացված մտահոգություններն են։
«Էմիլ Բաբայանի դեմ, որպես մասնագետ, որևէ խնդիր չունենք, գիտենք, որ բարձր պատրաստվածությամբ մասնագետ է, բայց ընթացակարգի հետ կապված խնդիրներ կան, և կարծում եմ, որ ընթացակարգերի պահպանման դեպքում 10 օր հետո հնարավոր է ներկայացնել թեկնածուի», - նշեց Մարուքյանը։
Նշենք, որ օրենսդրության համաձայն՝ ՍԴ անդամ ընտրվում է ԱԺ պատգամովորների 3/5-րդով (63 պատգամավոր), մինչդեռ «Ծառուկյան» և «Ելք» դաշինքները բոյկոտել էինընտրությունները։
ՍԴ անդամի քվեարկությանը մասնակցել է ԱԺ 105 պատգամավորներից 54-ը, որոնցից 51-ն են կողմ քվեարկել Էմիլ Բաբայանի օգտին:
Արդյունքում՝ Բաբայանը չընտրվեց ՍԴ անդամ։
Հիշեցնենք, որ նրան այս պաշտոնում առաջադրել էր ՀՀ նախագահ Արմեն Սարգսյանը:
