Իգնատի Առաքելյանն այսօր հանդիպել է ՀՀ գյուղատնտեսության նախարարության աշխատակազմի հետ։
Այս մասին տեղեկացնում է ՀՀ գյուղատնտեսության նախարարության տեղեկատվության
և հասարակայնության հետ կապերի բաժինը։
Առաքելյանը շնորհակալություն է հայտնել ամբողջ աշխատակազմին շուրջ 1.5 տարվա արդյունավետ աշխատանքի համար՝ մաղթելով հետագա հաջողություններ։
Իգնատի Առաքելյանն ընդգծել է, որ նախարարության աշխատակազմն իր ողջ եռանդն ու ջանքերը ներդրել է գյուղատնտեսության զարգացման ծրագրերի մշակման և իրականացման համար՝ հույս հայտնելով, որ դրանքկլինեն շարունակական։
Նախարարության աշխատակիցներն իրենց հերթին շնորհակալություն են հայտնել նախկին նախարարին՝ կառավարման նոր մշակույթ ներդնելու և առողջ աշխատանքային մթնոլորտ ստեղծելու համար։
Նախարարի հետ հեռացել է նաև նրա խոսնակը․ «Այլևս չեմ զբաղեցնում ՀՀ գյուղատնտեսության նախարարի մամուլի քարտուղարի պաշտոնը»,- ֆեյսբուքյան իր էջում գրել է Իգնատի Առաքելյանի մամուլի խոսնակ Անի Սմբատյանը և հավելել․ «Ես շատ ուրախ եմ, որ տրվել էր հնարավորություն Ձեզ հետ աշխատելու համար։ Դա մեծ պատիվ է ինձ համար։Վստահ եմ շարունակելու ենք համագործակցությունը։
Շնորհակալություն»։