Արդեն տեղեկացրել ենք, որ ՊԵԿ նախագահ Վարդան Հարությունյանն այսօր ազատվեց իր պաշտոնից:
Հարությունյանն իր հրաժարականի դիմումի ընդունումից հետո հայտնեց, որ ուզում է տեղեկացնել, որ կես տարվա ընթացքում բյուջեի հավաքագրումները տասնչորս միլիարդով գերազանցել են և դա հիմք է տալիս հայտնելու, ՊԵԿ-ն արձանագրել է առաջանցիկ հավաքագրում:
«Մեկ անգամ ևս ուզում եմ Կառավարության կազմին շնորհավորել և ցանկանալ ամենալավը»,-ասաց հեռացող պաշտոնյան:
Փաշինյանը դիմեց Հարությունյանին, որ նրա կողմից արված ակնարկն իր համար հասկանալի է և հարց ուղղեց նորանշանակ ՊԵԿ ղեկավարին՝ արդյո՞ք վերջինս հասկացավ այդ ակնարկը:
Ի պատասխան՝ Դավիթ Անանյանը նշեց, որ դա ընդունեց որպես բարի ցանկություն:
