Շրջակա միջավայրի համաշխարհային օրը՝ հունիսի 5-ին, բնապահպանության նախարար Էրիկ Գրիգորյանն և Արարատի մարզպետ Գարիկ Սարգսյանն այցելել են «Խոսրովի անտառ» պետական արգելոց։ Տոնական միջոցառմանը մասնակցել են արգելոցի հարակից համայնքների բնակիչները, մշակույթի օջախների և գեղարվեստի դպրոցի սաները։ Բնապահպանության նախարարը և մարզպետն այցելել են նաև նախորդ տարի բռնկված հրդեհից տուժած և այսօր արդեն ինքնավերականգնվող տարածքներ։ Այս մասին տեղեկացրին ՀՀ բնապահպանության նախարարության տեղեկատվության և հասարակայնության հետ կապերի բաժնից:

Նախարար Էրիկ Գրիգորյանը, պատասխանելով լրագրողների հացերին, նշել է, որ մեծ խորհուրդ ունի բնապահպանների գլխավոր տոնին  Խոսրովի անտառ այցելելը, որտեղ առկա է  Կովկասի հարուստ կենսաբազմազանության մոտ 50 տոկոսը։ Նախարարը նշել է, որ  պետական արգելոցում իր ներկայությունը նպատակ ունի հասարակությանն ուղերձ հղելու, որպեսզի ավելի հաճախ այցելեն մեր երկրի բնության գեղատեսիլ վայրերը, որոնք համաշխարհային նշանակության բնության ժառանգություններ են և լիարժեք ճանաչեն մեր հրաշալի երկրը՝ նպաստելով նաև տեղի բնաշխարհի արժեքավոր վայրերի ճանաչելիության բարձրացմանն ամբողջ աշխարհում։

Հյուրերը «Խոսրովի անտառ» պետական արգելոց» ՊՈԱԿ-ի տնօերն Հրաչյա Հովակիմյանի ուղեկցությամբ եղել են նաև թանգարանում, որտեղ ծանոթացել են արգելոցի հարուստ կենդանական և բուսական աշխարհի ցուցանմուշներին։ Թանգարանի գիտական ուսումնասիրությունների պահոցում ներկաներին ցուցադրվել է ամենահին՝ 90 տարվա ցուցանմուշը, որը վերցվել է 1928 թվականին։