Օրեր առաջ վարչապետ Նիկոլ Փաշինյանը նշանակում է կատարել: Սեպտեմբերի 6-ին վարչապետի հրամանով նրա օգնական է նշանակվել Սոֆյա Նավասարդյանը:
Այսօր սոցիալական ցանցերում սկսեցին քննարկել, թե վերջինս վարչապետի կնոջ՝ Աննա Հակոբյանի վարսահարդարն է, և, փաստորեն, վարչապետն իրեն օգնական է նշանակել կնոջ վարսահարդարին:
Այս հանգամանքն ուսումնասիրելիս պարզեցինք, որ վարչապետի աշխատակազմում վարչապետի օգնական ներկայացված Սոֆյա Նավասարդյանը ֆեյսբուք սոցիալական ցանցում որպես օգտատեր գրանցված է Սոֆյա Խուդոյան: Նրա էջն ուսումնասիրելիս հայտնի դարձավ, որ իսկապես վերջինս վարսահար է, իսկ անձնական տվյալների բաժնում նշված է՝ ոճաբան:
ԼՈւՐԵՐ.com-ի թղթակցի հետ զրույցում վարչապետի մամուլի քարտուղար Արման Եղոյանը տեղեկությունը հետևյալ կերպ մեկնաբանեց.
«Սոֆյա Նավասարդյանը վարչապետի և Առաջին տիկնոջ ոչ միայն վարսահարդարն է, այլև արարողակարգային հարցերով զբաղվող մասնագետներից մեկը: Հիմա շարունակելու է անել նույնը, քանի որ արարողակարգի մի մաս է կազմում վարչապետի և Առաջին տիկնոջ արտաքին տեսքը»,- նշեց Եղոյանը:
Սոնա Հարությունյան
