«Իրատես» թերթը գրում է.

Նիկոլ Փաշինյանի թիմին չմիացած, բայց ՀՀԿ-ից պոկված քառյակը՝ Սամվել Ֆարմանյան, Արման Սաղաթելյան, Միհրան Հակոբյան եւ Կարեն Բեքարյան, այս ընթացքում նախընտրում է լրատվամիջոցների հետ չշփվել, չասել իրենց ապագա պլանների մասին։ Ըստ որոշ տեղեկությունների, նրանք մտադիր են ոչ թե որեւէ ուժի հետ կրկին մտնելու խորհրդարան, այլ ստեղծելու մի միավորում, որն ավելի շատ քաղաքական վերլուծական աշխատանքներով է զբաղվելու։ 

Իսկ մինչ այդ պատգամավորներ Սամվել Ֆարմանյանն ու Արման Սաղաթելյանը մեկ ամսից ավելի է իրենց աշխատասենյակներին փակցրած անուն-ազգանվան ցուցատախտակը պոկել են։ Երբ հարցրինք՝ ինչո՞ւ են հանել, աշխատակիցներն ասացին՝ պոկվել է, պիտի կպցնեն։ Սակայն դժվար է պատկերացնել, թե ինչպես է ցուցատախտակն ինքն իրեն պոկվել ընկել։ Թեեւ, ի՞նչ իմանաս, Հայաստանում իրավիճակ է փոխվել, հնարավոր է ցուցատախտակներն էլ ոտք առնեն ու փախչեն:

 

Ավելի մանրամասն՝ թերթի այսօրվա համարում: