Կաթոլիկ աշխարհն ակտիվորեն քննարկում է համացանցում հայտնված տեսանյութը, որում երևում է, թե ինչպես Հռոմի պապ Ֆրանցիսկոսն իտալական Լորետո քաղաքում ընդունելության մասնակիցներին չի թույլատրում համբուրել աջ ձեռքի մատանին, որը նրա հեղինակության խորհրդանիշներից մեկն է:

Կաթոլիկ եկեղեցու LifeSiteNews կայքը սա «տագնապային» իրավիճակ է որակել: Միևնույն ժամանակ, կաթոլիկ եկեղեցու քահանա Ռասել Պոլլիտը կարծիք է հայտնել, որ պետք է ընդհանրապես հրաժարվել Հռոմի պապի աջ ձեռքի մատանին համբուրելու ավանդույթից, որը, ըստ քահանայի, եկել է հին միապետություններից: Մյուս կաթոլիկներն էլ հիշել են, որ Բենեդիկտոս XVI-րդն ու Հովհաննես Պողոս II-ը նույնպես չէին սիրում, երբ համբուրում էին իրենց ձեռքը: Պաշտոնական Վատիկանը չի մեկնաբանել Ֆրանցիսկոս պապի այսպիսի պահվածքը:

«Երբեմն դա նրան դուր է գալիս, երբեմն՝ ոչ: Ամեն ինչ շատ պարզ է»,- Reuters գործակալությանը հայտնել է Պապի օգնականներից մեկը:

Պապի մատանին այլ կերպ անվանում են «Ձկնորսի մատանի»: Դա խորհրդանշում է այն, որ պապը համարվում է Պողոս առաքյալի հետնորդը, որը ձկնորս էր: Հենց պապը մահանում է, մատանին ոչնչացվում է, որպեսզի արձանագրվի նրա պաշտոնավարման ժամկետի ավարտը:

Յուրաքանչյուր նոր Պապի համար պատրաստվում է նոր մատանի, որը լինում է ոսկուց: Սակայն Ֆրանցիսկոս պապը խնդրել էր, որպեսզի գումարը տնտեսվի, իր մատանին ոսկով պատվի, բայց պատրաստվի արծաթից:

Reuters Top News
 
@Reuters
 
 

Pope Francis repeatedly withdrew his hand as a long line of people tried to kiss his ring, causing reaction from conservative Catholics https://reut.rs/2JDpJ1g 

 
245 people are talking about this
 

 

Նյութի աղբյուրը՝ shantnews.am-ի։