Երեկ պատասխանելով լրագրողների հարցին, վարչապետ Փաշինյանն առաջարկել էր հանրությանը էքսպերիմենտ անել, վերցնել հեղափոխության ընթացքում իմ տված բոլոր խոստումները և կետ առ կետ գույքագրել: «Որովհետեւ շատ տեսական խոսակցություն է՝ խոստումները չի կատարել: Ո՞ր խոստումները չեմ կատարել»,-հարց է տվել Փաշինյանը:
Իրականում այդ ստերը, կամ ասենք այսպես՝ մոռացության մատնված պնդումները և խոստումներն այնքան շատ են, որ դրանց ցուցակագրումը որևէ դժվարություն չի ներկայացնում, պարզապես ժամանակատար է: Սակայն չզլանանք և հեղափոխությունից գրեթե մեկ տարի անց ամփոփենք այն բոլոր հայտարարությունները, որոնք այդպես էլ իրականություն չդարձան: Եվ այսպես՝
-Պետք է հանվեն բոլոր արագաչափերը, կարմիր գծերը
-Հայաստանում դատավորներին ոչ ոք չի զանգում
-Հայաստանում կոռուպցիա չկա,
-Սերժ Սարգսյանի եղբայրը Հայաստանի բոլոր բիզնեսներում 50 տոկոս փայ ունի
-Գործարարները ճամպրուկներով փողեր էին տանում Բ26
-Հայաստանում մենաշնորհ չկա
-Դուրս ենք գալիս ԵԱՏՄ-ից,
-Մարտի 1-ի ոճրագործությունն ամբողջությամբ բացահայտված է
-Թռիչքային աճ ենք ապահովում տնտեսական
-Առանց Արցախի մասնակցության չեմ բանակցելու Ալիևի հետ
-Արցախի հարցը լուծողը ժողովուրդն է
-Բանակից փախածները քաղաքականության մեջ տեղ չունեն
-Ընտրական օրենսգրքի փոփոխություն, որից հետո Նոր ընտրություններ պիտի լինիեին
-Կուտակայինը չի ընդունվի
-Փոքր բիզնեսին արտոնություն կտրվի
-Գազը չի թանկանա
-Հայաստանի արտաքին քաղաքականությունը որևէ փոփոխություն չի կրի
Կարծում ենք՝ բոլորի համար էլ ակնհայտ է այն հանգամանքը, որը վերը նշված բոլոր կետերը կամ հետագայում հերքվել են արդեն վարչապետի պաշտոնը ստանձնած Նիկոլ Փաշինյանի կողմից՝ կամ չեն կատարվել, կամ էլ կատարվել են տրված խոստումների միանգամայն հակառակ քայլերը: Նոր իշխանությունները պետք է հետևողական լինեն։ Այլապես կարելի է զրոյացնել վստահության պաշարը։
