Ամերիկյան հեռուստաաստղ Քիմ Քարդաշյանը հայտարարել է, որ առաջիկայում թողարկելու է նոր հեռուստաշոու, որում ի ցույց է դրվելու ամերիկյան արդարադատությունն այնպիսին, ինչպիսին ինքն է տեսել: Ինսթագրամյան իր էջում նա մի քանի լուսանկար է հրապարակել Կոլումբիայի ուղղիչ կենտրոններից մեկի այցելությունից:
«Անցյալ շաբաթ ես շատ զգացվեցի դոկտոր Մարք Հովարդի արարքից: Ջորջթաունի պրոֆեսորը Վաշինգթոնի բանտում դասընթացներ է անցկացնում, որոնց շնորհիվ այս կանայք ու տղամարդիկց կարող են քվոտա ստանալ Ջորջթաունում սովորելու համար: Ես այնքան զարմանալի մարդկանց հանդիպեցի, որոնք մեծ ցանկություն ունեն կիսվելու իրենց պատմություններով: Ուստի մենք փաստագրական ֆիլմ ենք նկարահանել, որի վրա ես աշխատում եմ և որը կհրապարակվի Oxygen-ով: Հուսով եմ, որ դուք կճանաչեք արդարադատությունն այնպես, ինչպես ես ճանաչեցի»,- լուսանկարների շարքը մեկնաբանել է Քարդաշյանը:
Ի հերթին հեռուստաընկերությունն էլ հայտարարել է, որ «արդարության նախագծում» Քարդաշյանը կպայքարի այն ամերիկացիների իրավունքների համար, որոնք տուժել են արդարադատության համակարգից:
