Վերջին ամիսներին ուժգին հրդեհներից մոխրացած Ավստրալիայի անտառներ է վերադառնում կյանքը: Ինչպես փյունիկ՝ մոխրից վեր են հառնում կանաչ ծիլերը, բնությունը վերակենդանացման առաջին նշաններն է ցույց տալիս:
Հատկանշական է, որ դարերի ընթացքում բազմաթիվ ավստրալական ծառատեսակներ վարժվել են կրակին, նրանք անգամ կենարար նյութեր են վերցնում մոխիրներից: Դրանք կոչվում են պիրոֆիտ բույսեր: Դրանցից մի քանիսին, օրինակ՝ կոալաների հիմնական կերակուր հանդիսացող էվկալիպտին, հրդեհն անհրաժեշտ է բազմանալու համար: