Վրաստանի Բոլնիսկի վարչական շրջանում, որտեղ համընդհանուր կարանտին է հայտարարված, հղի կին է վարակվել կորոնավիրուսով: Այս մասին հայտնում է Sputnik Georgia-ն:

Ինչպես հայտնել է Թբիլիսիի առաջին համալսարանական հիվանդանոցի բժիշկը, այժմ պացիենտին տեղափոխում են Թբիլիսի: Բժշկի խոսքով՝ սա հղի կնոջ՝ կորոնավիրուսով վարակման առաջին դեպքն է Վրաստանում:

Դեռ հայտնի չէ, թե հղիության որ ժամկետում է գտնվում կինը և ինչպես է նրա առողջական վիճակը:

Նշենք, որ Վրաստանում գրանցվել է կորոնավիրուսով վարակման 77 դեպք: