StopCov.ge-ն այսօր հայտնեց Վրաստանում կորոնավիրուսի 1-ին զոհի մասին:
79-ամյա կնոջ օրգանիզմը հյուծված էր, տառապում էր կախեքսիայով (մարմնի ընդհանուր հյուծում, որ զուգակցվում է ծայրահեղ նիհարումով, սակավարյունությամբ և ուժերի անկումով):
Ինչպես փոխանցում է Aliq.ge-ն, Թբիլիսիի կլինիկա տեղափոխվելիս նա ընդամենը 15 կգ էր կշռում։ Սա ասել են նրան բուժող բժիշկները: Հիվանդի մահվան պատճառ է դարձել կորոնավիրուսով պայմանավորված թոքաբորբը՝ ծանր պաթոլոգիաներով, սուր շնչառական անբավարարությունը, սրտի հետ կապված մի շարք հիվանդությունները, սեպսիսը: Հոսպիտալացվել էր մարտի 31-ին:
Կինը Բոլնիսիի շրջանի գյուղերից էր: Հայտնի է, որ վարակվել էր Բոլնիսիում սգո արարողության մասնակցելու ընթացքում, շփում է ունեցել Ռուսաստանից ու Ադրբեջանից եկածների հետ:
Կնոջը կհուղարկավորեն Առողջապահության համաշխարհային կազմակերպության կողմից հրապարակված խորհրդատվության հիմքով կազմված հատուկ կարգով:
